澳門親子行懶人包　2日1夜睇小丸子玩充氣恐龍

拖男帶女遊澳門，Package要細心揀，點樣玩是重點。深明白父母們想玩盡酒店設施，又想小朋友趁難得出外，見識多一點……種種諗法，作為父母們想必諗到脹爆腦袋。到底要點樣玩先至最好？

行程設計上，應針對小朋友的歲數、喜好、體力及一家人的玩樂需要而定，特別係現為盛夏，有幾多電嘅小朋友，都會有筋疲力竭時，加上部分活動遠離路氹範圍，或要返回市區，交通安排亦係一種考量。建議你首日應先玩酒店設施，翌日才抽一晝集中火力外出。

▲ 天氣熱辣辣，有乜好得過天浪淘園玩水。（攝影：劉景茵）

▲ 威尼斯人嘅Qube兒童天地，有多條滑梯，小朋友玩得暢快。（攝影：劉景茵）

Day1

▲ 新濠影匯嘅魔幻間，不少人睇過都一致好評。(新濠影匯提供)

▲ 華納滿FUN童樂園備有小型機動遊戲，適合小朋友玩。（攝影：劉景茵）

Day2 

▲ 小丸子難得來到澳門，當然要同佢喺大三巴合照。(攝影︰Sonny Lam)

• 櫻桃小丸子學園祭

這櫻桃小丸子動畫 25 周年展，與去年喺台北展出嘅相同。9 個展場，經典場景如學校、屋企，相信大家都好熟悉，都變成為實境，供大家拍照。話名係學園祭，運動會自然唔少得，還有另一有趣場景 - 夏祭。小丸子就着上和服，場景中仲有小丸子嘅同學一齊揍熱鬧。場館增設咗《小丸子在澳門》區，著名嘅大三巴、葡國菜餐館同茶樓都變成布景，歡迎大家來合照打卡。
 

▲ 南灣湖嘅天鵝船6月初開放使用，深受市民歡迎。（攝影：劉景茵）

• 南灣雅文湖畔 

如同市肺嘅南灣湖，在雅文湖畔一帶有新搞作—坐天鵝船。天鵝船實為雙人水上單車，操控容易，腳踏一踩，扭扭軚盤，船仔即向前行，小朋友踩會吃力，半個鐘費用澳門幣20元，抵﹗天鵝船現時只有 5 隻，相當搶手，一家 3 口的，可考慮玩普通船仔。要注意 5 歲以下小朋友唔可以乘坐。

• 《動感‧印象》埃德加‧德加雕塑展

想培養年長小朋友對藝術嘅興趣？美高梅嘅埃德加‧德加雕塑展就啱晒﹗展覽中，展出咗埃德加‧德加74件雕塑作品，包括最著名的《14歲的芭蕾舞者》雕塑，都配合唔少互動元素，令人樂在其中。同場另一些巴黎街景布置及主題拍照區，俾大家打卡玩玩。最重要係完全免費！。

• 氣球恐龍慈善嘉年華

澳門旅遊塔嘅刺激玩意，未必啱小朋友玩，但係講到將氣球變成恐龍，cute到爆嘅造型，相信小朋友都會中意。

溫馨小提示

1. 將酒店加入你的微信，於餐廳或商店可獲得折扣優惠。

2. 住宿套餐中，部分服務要預約，提前2小時至2天不等。

3. 下午1、2時是check out高峰期，沒任何消費，可用特快check out服務，省時方便。

4.  在新濠影匯，持有玩樂設施的票根，到指定食肆或兼玩其他玩樂設施，可享減價優惠。